Sal av fiskekort i Bygland
Det er 17 fiskekortordningar med eit 30-tal lokalitetar for sports- og fritidsfiske i Bygland kommune. Otra Fiskelag står sentralt ved organisering av fiskeretten i Byglandsfjorden og Otra. Dette kortet gjeld òg i Otra i dei andre Setesdalskommunane. I Setesdalsheiane er det mange gode fiskevatn. Fiskebestandane har teke seg monaleg opp dei siste 15 åra.
Drift og forvaltningseininga i kommunen vil arbeide for ei forenkling, eventuelt samanslåing av fiskekortordningar der det er naturleg, i samarbeid med Bygland Skogeigarlag. Planen er å få ei ordning for kvart delområde av heiane.
Lenke til oversikt over fiskekortsal i Bygland
Forvaltning av fiskeinteressene i Bygland kommune
Fiskeinteressene blir ivaretekne av kommunen gjennom miljø- og vassdragsovervaking og tilrettelegging for fritidsfiske.
Kommunen har eigen fiskebiolog som er finansiert av regulanten av Otravassdraget Agder Energi. I hovudsak er arbeidsområdet kontroll og oppfølging av konsesjonspålegga i vassdragskonsesjonane.
Fiskebiolog: Avdeling Tenesteleiar: | Arne Vethe Drift og forvaltning |
Fiskebiologen er også med på forvaltningsoppgåver som er delegerte til kommunen, t.d. tildeling av tilskot til kalking og fiskekultiveringstiltak i vassdrag. Det praktiske arbeidet med tiltak vert i hovudsak utført av grunneigarlag.
Fiskebiologiske undersøkingar i Otravassdraget.
Rapport frå prøvefiske i Fiskeløys og Heisvatn 2011
Rapport frå prøvefiske i Longeraksvatn og Hovatn 2009
Vassdragsstyret for øvre Otra
- eit samarbeidsorgan for Bygland, Valle og Bykle kommune.
Utdrag frå vedtekter :
§ 1 Føremål
Vassdragsstyret for øvre Otra er eit organ som har til føremål å arbeide for samarbeid, fleirbruk og berekraftig forvalting av øvre Otra.
§ 2 Arbeidsoppgåver
Vassdragsstyret skal:
- Samordne arbeidet i fagutval som til ei kvar tid er aktive i forvaltninga av interesser knytt til øvre Otra.
- Vere pådrivar i aktuelle saker og aktivitetar i vassdraget.
- Vere initiativtakar i nye saksfelt som blir aktuelle, eller saksfelt der ansvaret for å ta opp saker ikkje er klart definert.
- Vere høyringsinstans for planar som omhandlar øvre Otra.
- Arbeide for at enkeltaktivitetar i Otravassdraget ikkje kjem i konflikt med andre interesser.
- Sikre at interesser som ikkje er representert i dei faste utval blir ivaretekne.
I Vassdragsstyret er desse medlemer : Ordførarane i Bygland, Valle og Bykle.
Grunneigarrepresentantar frå Bygland, Valle og Otra Fiskelag. Vidare er Otteraaens Brugseierforening og Agder Energi Vannkraft representert.
Leiar er Leiv Rygg og sekretær er for tida fiskebiologen i Bygland.
Vassdragsstyret har særleg arbeida med rydding av krypsiv i Otra med stønad frå Krypsivfondet i Otra og Krypsivprosjektet på Sørlandet.
For informasjon kontakt fiskebiologen, tel. 37 93 59 80, mobil 47 88 01 20
eller arne.vethe@bygland.kommune.no