Kommuneoverlegen orienterte innleiingsvis om det eine tilfellet med påvist smitte i Evje og Hornnes kommune som vart kjent i går ettermiddag 17.12. Denne situasjonen er vurdert å vere under kontroll. Den smitta er i isolasjon og nærkontaktane er i karantene. Det er ingenting per i dag som tyder på at dette smittetilfellet kan ha forgreiningar inn i Bygland kommunen.
Kriseleiinga gjekk gjennom beredskapsopplegget for jolehøgtida med fokus på kapasitet innan testing og smittesporing.
Planlegginga er i full gong for vaksinasjon mot Covid-19, og Bygland kommune sender i dag inn sin plan til Fylkesmannen i Agder for gjennomgang der. Når det gjeld detaljar omkring den konkrete gjennomføringa i Bygland kommune, vil kommunen sende ut informasjon om dette i løpet av veke 52.
