Sundag 18. januar blei Wohlfülplatz-Award des Euro Motorhome Clubs-prisen delt ut i Stuttgart i Tyskland. Ein pris som blir gjeven til campingplassar som har ei lun atmosfære og god stemning ("feelgood-pris").
Neset Camping blei nominert til prisen etter at medlemer i klubben besøkte campingplassen sommaren 2014. Neset Camping er den fyrste og einaste campingplassen i Noreg som har fått prisen, og det er alt i alt kun 36 anlegg i heile Europa som har fått prisen. Wohlfühlplatz-Award er ein ettertrakta og anerkjent pris som ofte blir omtalt i tysk media.
Ved utdelinga i Stuttgart var det i år 4 stader som mottok prisen:
- Phoenix Reisemobilhafen, Bad Windheim
- Königlicher Campingpark Sanssouce, Potsdam
- Camping Resort Zugspitze GmbH, Grainau
- Neset Camping, Byglandsfjord
Under prisutdelinga i Stuttgart var og Setesdal regionråd til stades i tillegg til Olav Neset frå Neset Camping.
Me gratulerer Neset Camping med prisen!