I begge sokna var det ei solid auke i oppslutnaden om valet til Bispedømeråd/kyrkjemøte.
Av 412 registrerte røysteføre i Årdal sokn var det 125 veljarar som stemte ved soknerådsvalet og 103 som stemte på valet til Bispedømeråd/kyrkjemøte.
Det gir ei deltaking i soknerådsvalet på i overkant av 30 prosent.
Av 461 registrerte røysteføre i Bygland sokn var det 153 veljarar som stemte ved soknerådsvalet og 142 som stemte på valet til Bispedømeråd/kyrkjemøte.
Dette gir ei deltaking i soknerådsvalet på i overkant av 33 prosent.
Talet på førehandsrøystingar utgjorde 9 stemmer for Årdal sokn og 25 stemmer for Bygland sokn, dei same tala som i 2011-valet.
Til Årdal sokneråd skal det veljast 4 medlemmer og 5 varamedlemmer.Til Bygland sokneråd skal det veljast 6 medlemmer og 5 varamedlemmer.
I Årdal sokneråd vert Gunnar Gautland, Tora Vegusdal, Sigurd Haugsgjerd og Silje Lien faste medlemmar, medan Sigrid Nersten Lunden vert 1.varamedlem.
I Bygland sokneråd vert Knut Gakkestad, Gerd Torhild Helle Aakhus, Olav Arnfinn Arneberg, Gunnveig Eriksrud Viki, Inge Olav Fjalestad og Olav Straume faste medlemmer, medan Ingebjørg Haugstad Lidveit vert 1.varamedlem.
Funksjonstida for noverande sokneråd gjeng ut 31.10.2015.
Det medfører at ein i tida framover må førebu overgang frå gamalt til nytt sokneråd, og at det og må veljast medlemmer til nytt fellesråd.
Kyrkjeverja vil allereie no nytta høvet til å takke noverande fellesråd og sokneråd for godt og konstruktivt samarbeid, og ser fram til eit like godt samarbeid med det nye fellesrådet og dei nye sokneråda.