Målet er å auke kompetansen, stoltheita og merksemda om matregionen Agder. Stipendet er ein del av prosjektet “Matregion Agder” som arbeider for å styrke berekraftig produksjon og distribusjon av lokalmat.
-Vi søkjer etter ein matambassadør med ambisjonar, engasjement og ein god plan for å oppnå vekst og verdiskaping knytta til berekraftig mat og reiseliv i heile Agder. Slik kan ambassadøren vere med å legge til rette for auka rekruttering til matfaga og styrke omdømmet deira, seier prosjektleiar for Matregion Agder og rådgjevar for verkemidlar og entreprenørskap i Agder fylkeskommune, Kari Brunvatne Kleivset.
For å søke må ein arbeide innanfor matproduksjon og matfag i Agder og bu og ha sitt virke i Agder fylke.
-Vi håper og ambassadøren for lokal mat vil kunne bidra til at barnehagar, skular, kantiner og helse- omsorgsinstitusjonar i Agder følgjer råda om kosthald, har null matsvinn og brukar lokale råvarer i alle rettar, seier Brunvatne Kleivset.
Les meir om stipendet og prosjektet her: https://agderfk.no/aktuelt/soker-agders-mest-engasjerte-matambassador.55826.aspx