Følgjande tre saker har prioritet nå i starten av prosessen:
- Rundkøyring på rv9
Planføresegnene seier at før ein kan tillate bruk av nye bustader, skal rundkøyring på rv9 vere ferdig opparbeidd. Administrasjonen har vore i dialog med Statens vegvesen (SV) ang. etablering av rundkøyringa. SV har ikkje avsett midlar til dette i sine budsjett. Administrasjonen arbeider vidare med å få rundkøyringa inn i SV sine planar og vil i den samanheng diskutere om ein kan få til ei midlertidig løysing fram til rundkøyringa er etablert. - Heimel til areal
Det er naturleg å starte med utvikling av områda BKS1 og BKS2 (områda avsett til bustadar sør i planen). Bygland kommune eig pr. i dag ikkje det aktuelle arealet. Administrasjonen er i dialog med eigar med tanke på kjøp av areal. - Utarbeiding av konkurransegrunnlag for bustadområde
Dei to punkta over legg premissar for arbeidet med konkurransegrunnlaget. Administrasjonen har sett på nokre andre liknande tilfelle og vil nytte det som eit utgangspunkt i utarbeidinga av konkurransegrunnlaget
Dokumenta i reguleringsplanen kan du finne HER