Kay Jeiskelid blir hylla som ein samfunnsbyggar og entreprenør som har gjort ein stor innsats i å skape og sikre arbeidsplassar i dalen.
I juryen si grunngjeving heiter det at næringsutvikling er hans fanesak - anten det har gått på å sleppe investorar og marknadskreftene til for å vere med og drive fram utviklinga av nye verksemder og utbyggingar på Hovden, eller det har handla om å prioritere offentlege midlar til viktige hjørnesteinsbedrifter og infrastruktur som Bykle vindu, Hovden badeland, Skigymaset, Skisenteret på Hovden eller Rv9.
Meir om Setesdalsprisen
Prisen er mynta på eigarar, leiarar eller verksemder som over tid eller det siste året har representert positiv effekt og verdiskaping i eiga verksemd og nærområde.
Utmerkelsen kan tildelast etter særleg innsats eller oppnådde resultat når det gjeld å ha:
- skapt eller sikra arbeidsplassar i regionen
- lønsemd og verdiskaping i regionen
- positiv merksemd og sal på vegne av seg sjølv eller bransje
- vore banebrytande når det gjeld utvikling
- ha utmerka seg på ein særleg positiv måte til beste for næringsliv i Setesdal
Prisen kan delast ut ei gong i året viss juryen finn gode kandidatar.
Prisen er på 10 000 kroner og eit kunstverk.
Tidlegare vinnarar
- 2014 - Terje Greibesland, Setesdal bilruter
- 2013 - Per Birkeland, Byglandsfjord sag
- 2012 - Alf Tore Moen, Evjeklinikken
- 2011 - Hanna Elise og Bjørn Erling Auestad, Bykle hotell
- 2010 - Saavi S. Nomeland, Nomeland Anlegg
Alle foto: Svein Sundsdal/NRK
Innhald henta frå nrk.no/sorlandet