Etter nyttår må det brukast blankettar for avslutting av saker som er påbegynt i det gamle systemet før 1. juli 2010.
Har du gamle saker du vil avslutte?
Det er meir enn 5 år sidan siste, nye byggesak blei laga i det gamle systemet, og dei aller fleste sakene er nok ferdige. Om du likevel har saker i det gamle systemet som ikkje er avlslutta, har du tre moglegheiter for avslutting:
- Avslutte sakene i ebs-1997.dibk
- Ta utskrifter frå systemet før nyttår og underskrive desse manuelt når saka er ferdig.
- Avslutte dei gamle sakene ved bruk av blankettane på direktoratet si nettside. Det er ikkje mogleg å konvertere dei gamle sakene til den versjonen av ByggSøk som blir brukt i dag.
Utdatert versjon
Systemet er bygd på ei gamal plattform som gjer den tekniske drifta utfordrande og ressurskrevande. Aktivitetet i systemet er svært avgrensa. Direktoratet for byggkvalitet har difor avgjort å legge ned ebs-1997.dibk.no frå nyttår.
Ein skal framleis nytte ByggSøk
Då den nye plan- og bygningsloven trådte i kraft 1. juli 2010, kom det ein heilt ny versjon av ByggSøk. Det er denne versjonen ein brukar i dag til alle nye byggesaker. Fram til no har den tidlegare versjonen vore drifta parallellt, slik at gamle saker skal kunne avsluttast i samsvar til det tidlegare lovverket.
Les meir på heimesidene til Direktoratet for byggkvalitet