Rådmannen framhevar:
I årsmeldinga framhevar rådmann Aasmund Lauvdal enkelte punkt:
- Kommunen sitt rekneskapsmessige overskot er på kr 2 224 399
- I 2018 prioriterte kommunen opprusting av utearealet på Bygland skule og ombygging av den gamle gymsalen til kulturscene
- Det blei oppretta ei ny stilling med fokus på planarbeid
- Det blei og oppretta ei ny stilling i administrasjonen. Denne stillinga fokuserer på informasjon, profilering og sentralbord
- Frivilligsentralen har mange gode prosjekt t.d. bygdemiddag annankvar tysdag. Dette er eit positivt tiltak, meiner rådmannen
- For fyrste gong i historien blei det valt eit ungdomsråd i Bygland! Rådmannen meiner dette er viktig og nødvendig slik at ungdommen kan få fram meiningane sine i saker som er viktige for ungdommen
Politiske møte
Visste du at:
- Det har gjennom året vore 51 politiske møte. Talet på saker i dei ulike utvala er 332.
- Plan- miljø og ressursutvalet handsama 100 saker
- Formannskapet har handsama 93 saker
- Kommunestyret har handsama 76 saker
- Bygland ungdomsråd handsama 10 saker
- Rådet for eldre og funksjonshemma handsama 20 saker
- I tillegg har Arbeidsmiljøutvalet, Administrasjonsutvalet, Klagenemnd for eigedomsskatt og Valstyret hatt saker i løpet av året
Økonomi og næring
Dette arbeider me med:
Avdelinga arbeider med lønn, fakturering, rekneskapsføring, innkreving, økonomisk styring og budsjett, pensjon, næring, innkjøpsansvar, eigedomsskatt og vi har ein støttefunksjon ut mot dei andre einingane
- I 2018 låg fokus på effektivisering. Det oppnådde vi ved at det er kjøpt inn ei ny løysing for føring av rekneskapsbilag.
- Over 80 % av dei inngåande fakturaene har kome elektronisk. Dette gjev store effektiviseringsgevinstar og reduserer talet på feilkjelder
Personal og administrasjon
Dette arbeider me med:
- Post, e-post, arkiv, innsynssaker, val, politisk sekretariat, informasjon, kultur, publikumsmottak, overordna personal, beredskap, Samordning av lokale rus- og kriminalforebyggende tiltak (SLT), sentralbordteneste og systemansvar ved sakshandsaming og personal
Visste du at:
- Hausten 2018 blei det på nytt innført sentralbord i kommunen
Plan og utvikling
- Avdelinga blei formelt oppretta 1. mai 2018 og var fullt bemanna frå medio august 2018
Dette jobbar me med:
Planarbeid, byggesakshandsaming, folkehelsearbeid, forbetrings- og kvalitetsarbeid, informasjonssikkerheit og personvern (GDPR), oppfølging i høve internkontroll og kvalitetsstyring
- I 2018 jobba me mellom anna med dette:
- gjennomføre arbeidet med reguleringsplan for Presteneset
- utarbeide planprogram for revidering av kommuneplanen
- auka gjennomføring av førehandskonferansar i samband med byggesøknadar og oppstart av planarbeid
- nasjonale sjekklister for byggesakshandsaming er innarbeidd i kommunen sitt saksystem
- implementering av Personvernforordninga (GDPR) i kommunen
Kultur
Dette jobbar me med:
Drift av ungdomsklubben, kultur, bibliotek, ungdomsrådet, kulturskulen, UKM (Ung Kultur Møtes), sakshandsaming på saker knytt til kultur, skal søke midlar til- og rapportere på idrettsanlegg, kulturelle spaserstokken, kulturelle skulesekken og kulturelle bæremeisen. Skal vere kommunen sitt bindeledd ut mot organisasjonar, lag- og foreningar, bygdekino
Tilsette i kultur: Ungdomsleiar, biblioteksjef og kulturleiar
Visste du at:
- Besøk på bibloteket:
- Vaksne: 1901
- Barn: 1388
- Utlån
- Vaksne: 5563
- Barn: 4928
Kulturskulen:
- Interkommunalt samarbeid mellom Bygland og Evje og Hornnes (2018)
- Det blei tilsett ein ny person. Denne er tenkt skal vere ein dag i veka på Bygland
- Det har vore få elevar i kulturskulen på Bygland i år
Ungdomsklubben:
- Klubben er open to kveldar i veka
- Det har vore godt oppmøte på klubbkveldane
- Dei har hatt fjelltur, aktivitetar i Byglandshallen og jolebord m.m
Bygdeboka
- Bygdebokskrivar Ådne Fardal Klev har arbeidd vidare med Bygland gard og ætt
- Bygdeboknemda tek sikte på å trykke ei ny bok i løpet av 2019
Oppvekstsentra
Visste du at:
- Elevtallet på skulane har (i sum) gått litt opp
- Bygland skule har fått ny uteplass
- Vi startar på oppgradering av uteplassen på Byglandsfjord skule i 2019
- Det gjekk det til saman 45 barn i kommunen sine SFO
- I barnehagane gjekk det til saman 54 barn
- I vaksenopplæringa var det 9 elevar
- Grunnskuleopplæringa blei gjennomført ved hjelp av samarbeid med Evje og Hornnes kommune
- I 2018 var det totalt 40,19 årsverk ved oppvekstsentra
NAV
Visste du at:
- NAV har 5 tilsette
- Talet på mottakarar av sosial stønad har auka i 2018
- Det har vore ei kraftig auke i handsaming av saker i 2018
- NAV har eit stort fokus på å bistå med økonomisk rådgjeving
Flyktningtenesta
- Det var busett 37 flyktningar i kommunen
- Dei er i hovudsak busett på Bygland, men nokre er og busette på Byglandsfjord
Helse
Dette jobbar me med:
Legeteneste, fysioterapi, helsesjukepleiar (tidlegare helsesøster), jordmor, psykisk helse og rus, psykiatribustader, støttekontakt, avlastning
Visste du at:
- Legekontoret på Byglandsfjord blei opna i april etter ombygging
- Kommunen har avtale med privat fysioterapeut
- Det blei tilsett helsesjukepleiar i 50% prosjektstilling ved skulehelsetenesta
- I tillegg er det ei 90% stilling som helsesjukepleiar
- Det er ei 20% stilling som gir tilbod til dei eldste ungdomane med psykisk helse og rus-utfordringar
- Bygland kommune er vertskommune for jordmorsamarbeid med Evje og Hornnes kommune
- I Bygland var det 7 fødslar i 2018
Drift og forvaltning
Dette jobbar me med:
Drift og vedlikehald av bygg, VA, veg og grøntanlegg. Sakshandsaming og oppfølging i høve 25 ulike lover. Ulike prosjekt som politikarane har vedteke skal gjennomførast
Visste du at:
Fiskebiologen:
- Arbeidet med tiltak for stimulering av naturleg reproduksjon av bleka er utvida til Otra også nedanfor Byglandsfjord
- Det blir årleg registrert fangst av bleka, aure, abbor og ørekyt. Det er grunneigarane som gjer dette.
- Det er eit mål å auke interessa for næringsfiske og sportsfiske
- 3 ungdomar blei engasjert for å rydde strender i heile byglandsfjorden og delar av Otra, Kvålsåne og Bjørnåne. Det blei rydda mykje, særleg landbruksplast og NOFO-kanner
Jordbruket
- Talet på søknadar om produksjonstilskot gjekk litt opp i 2018
- Talet på søknadar om regionalt miljøprogram gjekk litt ned
- Talet på søknadar om kommunalt jordbrukstilskot gjekk litt ned
- Det blei utbetalt 19 erstatningar for tørkeskadar på grunn av den ekstreme tørka i 2018
Skog og utmark
- Det blei avverka mindre tømmer i 2018
- Talet på utført skogkultur (planting, markflekking og ungskogpleie) gjekk litt opp
- Det blei gjeve 5 løyve til bygging av traktorveg i klasse 8
- Det blei felt 96 elg, 11 hjort og 20 rådyr
- Det blei registrert 24 fallvilt, der 13 blei påkøyrd av bil og 11 på grunn av sjukdom, rovdyr m.m.
Kartarbeid
- Bygland kommune samarbeider med Statens kartverk, Statens vegvesen, Agder energi AS, Telenor og fylkesmannen si landbruksavdeling for å oppgradere kartdata
- Det blei bestilt generering av nye høgdekoter og ajourføring av kartdata i Grendi, Åraksbø og Jordalsbø. Dette blir gjort ved hjelp av flyfotografering
Anna:
- Stasjonsbygningen på Byglandsfjord blei måla med midlar frå tusenårsfondet
- Grendi skule fekk eit løft i samarbeid med grendelaget der. Det var utvendig stell og tilpassing av bygget til grendehus
- Hytterenovasjonsprosjektet blei fullført i 2018. Alle hytter i kommunen er vurderte i høve til renovasjonstilknyting
- Det blei gjennomført ekstraordinært vegvedlikehald. Gateljos i Prestlidi, reasfaltering på utvalde stader, grøftereinsk og sikring av 2 bruer
- Arbeidet med reguleringsplan for Ose bygdesenter starta opp
- Prosjekt Presteneset blei lagt ut til offentleg ettersyn hausten 2018
Pleie og omsorg
Vi er organisert slik: Byglandsheimen, open omsorg og habilitering. Desse tre avdelingane har felles leiing og administrasjon.
Visste du at:
- Det blei oppretta ei "forsterka skjerma eining" for bebuarar med ekstra behov for skjerming
- Vi har ikkje venteliste på plass
- Det blei tilsett ergoterapeut i ei prosjektstilling i 1 år frå hausten 2018
- Sjukefråveret er redusert i høve tidlegare år
- Bufellesskap for eldre fekk "tekjøkken" på romma
- Målet vårt er ei betre utnytting av potensialet som ligg i velferdsteknologi
Interkommunale samarbeid
Visste du at:
Bygland kommune er med i ei mengde interkommunale samarbeid. Vi er vertskommune for jordmor, kommuneoverlege og Vassdragsstyre Øvre Otra.
Det er fleire typer organisering: Nokre er IKS, andre er §27-samarbeid. Så har vi AS og vertskommunesamarbeid
- Agder kommunerevisjon IKS
- Setpro AS
- Setesdal Miljø & Gjenvinning IKS
- Setesdal brannvesen IKS
- Konsesjonskraft IKS
- Agder sekretariat
- Aust-Agder museum og arkiv IKS
- Setesdal IKT
- Setesdalsmuseet eigedom IKS
- Setesdal regionråd
- Byglandstunet AS
- Byglandsfjord industribygg AS
- Nesodden industribygg AS
- Setesdal barnevern
- Setesdal PPT
- Kommuneoverlege
- Jordmor
- LMT (Lokalmedisinske tenester)
- KØH (Kommunal øyeblikkeleg hjelp)
- Legevakt
- Vassdragsstyre Øvre Otra
- Veterinærteneste
- Veterinærvakt
- Kulturskule
- Skatteoppkrevjar (kjøp av teneste frå Evje og Hornnes)
Dei tørre fakta frå rekneskapet
Visste du at:
- Kommunen si langsiktige gjeld er 80% av driftsinntektene. Dette er lågare enn gjennomsnittet
- Disposisjonsfondet er på 24,3% av driftsinntektene. Dette er over dobbelt så høgt som gjennomsnittet
- Overskotet i prosent av driftsinntektene i 2018 var litt høgare enn landsgjennomsnittet
- Kommunen hadde dryge 20 millionar i kraftinntekter i 2018. Dette utgjer 13% av kommunen sine driftsinntekter