Agder Energi Nett sjekkar kvart år linjenettet frå helikopter for raskt å få oversikt over der det er naudsynt å reparere eventuelle skadar på stolpar, linjer og andre elektrotekniske installasjonar.
Agder Energi Nett har leigd inn Heliwest til å utføre inspeksjonen i år. Helikopteret har med seg avansert utstyr som også gjer det mogleg for AEN å analysere vegetasjonen langs høgspentlinjene.
Analysene gjev ei god oversikt over kor tett skogen er langs lnjene, og kor nært trea står linjenettet. Det gjev også grunnlag for å sette i verk målretta tiltak som å hogge ned tre som kan stå i fare for å velte og forårsake straumbrod.
Helikopterflyginga vil etter planen starte i austre del av Agder fredag 8. mai og halde fram utover sommaren. Arbeidet vil skje frå måndag til laurdagca i tidrommet frå ca kl. 07:00 - 19:00, avhengig av veret. Helikopteret vil i hovudsak fly i ei høgde på omlag 30 - 70 meter over linjenettet.