Bygland kommune har meldt seg inn i konseptet "Sykling utan alder" http://www.syklingutenalder.com, og er såleis no ein del av fellesskapen i Noreg (og Danmark) når det gjeld eldre sin "rett" til å få vind i håret.
Ordførar Leiv Rygg og rådmann Aasmund Lauvdal var blant dei fyrste som fekk høve til å prøve sykkelen. Med aktivitør Margit Smedsland som pilot og kunnig vegleiar, fekk dei ei kort innføring i korleis sykkelen fungerer.
Pleie- og omsorgseininga vil i løpet av den næraste tida starte med opplæring av dei tilsette, så mange får moglegheit til å bli pilotar på sykkelen. Om det finns friviljuge som kan tenke seg å bli pilotar, er det berre å ta kontakt med oss i Pleie og omsorg.
Litt informasjon om sykkelen:
-
trioBike Taxi er ein av dei mest populære taxi-syklane på marknaden. Den danske produsenten leverar syklar av høg kvalitet med ei rekke føremonar:
-
Det unike fotbrettet bidreg fyrst og fremst til at det er mye enklare for eldre å setje seg i sykkelen. Men det gjer det og mogleg at éin person aleine kan ta de eldre på tur. Det krevjas ikkje at éin person held sykkelen i motvekt, mens ein anna hjelper passasjerane av og på sykkelen.
-
Sittebredda i kassa er den klart største på marknaden. Den er på heile 90 cm. Til tross for dette, er ikkje sykkelen breiare enn 94 cm totalt.
-
Den høge bakkeklaringa og det smarte fotbrettet gjer det mogleg å kome til med personløftar.
-
Sykkelens ramme er i aluminium, noko som gir låg eigenvekt. Dette gjer den ekstra lett manøvrerbar når den skal flyttas, og lettare å sykle om ein skulle være uheldig å gå tom for strøm på turen.
-
Sykkelen har ein kraftig el-motor som gir god assistanse i motbakkar
-
Låsbar handbrems gjer sykkelen sikker ved av- og påstiging
-