Formannskapet sitt vedtak om oppstart av planarbeidet sa mellom anna følgjande:
"Gjennom dette prosjektet skal Bygland kommune søke å skape næring og attraktive husvære ved å utnytte dei naturlege føresetnadane som er i Bygland kommune. Attraktive fjordnære tomter med kort avstand til offentlege og private sentrumsfunksjonar, og med vekt på tilknyting til tilrettelagte friluftsområde og fritids- og kulturtilbod. Gjennom utvikling av prosjektområdet skal Prestlidi med Byglandsheimen bli knytt saman med sentrumsområdet i Bygland. Slik vil dei mest tettbygde områda i Byglandsbygda bli knytt saman med handels- og sørvisfunksjonar på ein naturleg og harmonisk måte.
Husværa i området skal vere eit suppelement til eksisterande butilbod. Ein kombinasjon av leilegheitsbygg som høver for folk som vil overdra sine einebustader/våningshus til neste generasjon og som også kan vere passande for familiar i etableringsfase - samt større husvære som passer for familiar som ikkje ønskjer tradisjonelle einebustader."