Risikogrupper som årleg bør vaksinere seg mot sesonginfluensa, og som kan få vaksine:
- Alle frå og med fylte 65 år
- Bebuarar i omsorgsbustad og sjukeheim
- Gravide etter 12. svangerskapsveke (2. og 3. trimester), gravide i 1. trimester med annan tilleggsrisiko kan vurderast for vaksinasjon
- Barn og vaksne med:
- diabetes mellitus, type 1 og 2
- kronisk lungesjukdom (inkludert astma)
- kronisk hjarte- og karsjukdom, spesielt personar med nedsett lungekapasitet
- kronisk nyresvikt
- kronisk nevrologisk sjukdom eller skade, spesielt personar med nedsett lungekapasitet
- nedsett infeksjonsresistens
- svært alvorleg fedme (kroppsmasseindeks - KMI - over 40)
- andre alvorlege og/eller kroniske sjukdomar der influensa er ein alvorleg helserisiko, etter individuell vurdering av lege
Influensavaksina kostar kr. 100 + eigenandel på kr 54. Du kan møte opp i opningstida på legekontoret, men må rekne med noko ventetid.